خطوات تجديد الاستمارة بالتفصيل

السلام عليكم ورحمة الله وبركاته


الاشياء اللي تحتاجها باختصار:
فحص جديد 73 ريال
تأمين على السيارة 375 ريال (تأمين التعاونية)
دفع رسوم التجديد عن طريق الصراف 150 ريال (ودفع المخالفات المرورية إن وجد )
زيارة لمكتب المرور القريب من بيتك

والآن نبدأ بالتفصيل:

أول شيء تحتاج إلى أن تفحص السيارة في الفحص الدوري

وهذا موقعهم الالكتروني http://www.mvpi.com.sa

دوامهم يبدأ من الساعة 7 صباحا وينتهي الساعة 4 عصرا

ولا يحتاج تاخذ اي اوراق او مستندات على طول رح بالسيارة

ولكن قبل ماتروح بسيارتك شيك على الاشياء هذي عندك لأنها هي الاساسية وغيرها ما يعطونها اهتمام:

الزجاج الامامي ما يكون فيه كسر أو شعط
الانوار كلها شغالة وسليمة
الكفرات موزونة ومافيها انعواج او ميلان
نسبة الكربون في العادم او الشكمان...السيارات الجديدة ماعليها خوف من الشيء هذا
الفرامل

هذا هي أهم الاشياء اللي يلاحظها الفني ويدقق عليها...وفيه اشياء ثانية مهمة لكن يسحبون عليها

اذا كانت سيارتك سليمة

تروح عند الفحص الدوري وتصف في اي صف عشان تدفع الفلوس عند كشك الحساب

والمبلغ 73 ريال ويعطيك ايصال بالدفع وتتوجه بعدها إلى اي مسار فاضي للفحص

بعد ما تطلع نتيجة الفحص يعطيك اياها مطبوعة بالكمبيوتر تروح بالورقة هذي الى مكتب المرور خارج مسار الفحص مباشرة

ومكتب المرور هذا شغلته انه يطبع ختم على ورقة الفحص فقط !

تقريبا استغرق الفحص الدوري من دخولي من البوابة وحتى خروي 15 دقيقة فقط

الحين انت خلصت من الفحص الدوري وباقي شيئين : التأمين و المرور

شركات التأمين المعتمدة لدى المرور كثيرة وتجد لائحة في مراكز المرور بأسمائها

لكن انا اخترت التعاونية للتأمين لثلاثة أسباب:
1- أنها شركة معتمدة وموثوقة في حال حصل حادث لا قدر الله
2- فروعها منتشرة وخصوصا انها موجودة في مركز المرور
3- الفارق السعري بسيط بينهم وبين الشركات الثانية ولا يساوي المخاطرة بالتأمين عند الشركات الأخرى

تأمين التعاونية سعره 375 ريال لمدة سنة واحدة لمن هم فوق 21 سنة

اذا رحت عند مكتب شركة التأمين جب معك استمارة السيارة الأصلية


بعد التأمين يبقى المرور ...

والأشياء المطلوب احضارها :
ملف بلاستيك شفاف
صورة لبطاقة الاحوال
استمارة السيارة
صورة لبطاقة التأمين
صورة لورقة الفحص الدوري
تعبئة نموذج تجديد استمارة

وتعطيها للعسكري وتجلس تنتظر حتى ينادى بإسمك يعطيك ملفك واستمارة جديدة...

تروح تفك لوحاتك القديمة وتعطي ملفك لمكتب اللوحات في المرور

اذا طلبت لوحات جديدة اي ارقام و حروف تختلف عن لوحتك القديمة فاللوحة تطلع لك في نفس اليوم

اما اذا طلبت نفس لوحتك السابقة فاستلام اللوحة بعد 15 يوم...

والسبب في احتفاظي بنفس لوحتي حتى اطلب لوحة طويلة بدون ما ادفع رسوم اللوحة الطويلة


وبكذا تكون جددت استمارة السيارة وما تحتاج منك سوا صباحية يوم واحد فقط

اتمنى ان تجدوا المعلومات اللي تحتاجونها في هذا الموضوع البسيط

وتقبل الله منا ومنكم صالح الاعمال

ماشاء الله عليك ,,, يسلمووو عالمجهود الرائع

يسلمووووووووو على احلى منورة والله

اهلا بك يا مؤمل

هذه الخطوات في السعودي

لا اعلم ام كانت العراق مثلنا ام لا