قصيدة للأم

موضوع: قصيدة للأم الأحد أغسطس 26, 2012 3:31 pm

اقراءوا معي ما كتبه هذا الشاب متهور تعرض إلى حادث وكانت معه أمه فتوفيت وبقي هو علي قيد الحياه
وكتب القصيده هذه

-_-_-_-_-_-_-_-_-_-_-_-_-_-_-_-_-_-_-_-_-

يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني ..

-_-_-_-_-_-_-_-_-_-_-_-_-_-_-_-_-_-_-_-_-
منقوووووول

موضوع: رد: قصيدة للأم الأحد أغسطس 26, 2012 6:48 pm

والله قصيدة مؤثر و رائعة يسلمو

موضوع: رد: قصيدة للأم الأحد أغسطس 26, 2012 10:53 pm

مشكور وسيم
وبصراحة قصيدة مؤثرة جداً

موضوع: رد: قصيدة للأم الإثنين أغسطس 27, 2012 2:01 am

قصيدة رائعة، يسلمووو قصيدة للأم 3711055587

موضوع: رد: قصيدة للأم الإثنين أغسطس 27, 2012 9:54 am

يسلموووو عالقصيدة الحلوة ...

موضوع: رد: قصيدة للأم الإثنين أغسطس 27, 2012 1:00 pm

يسلمووو على مروركم

» قصيدة الاصمعي
» قصيدة حجازية
» قصيدة العجوز والشايب
» قصيدة خاصة بأهل مكه
» قصيدة أبكت رسول الله صلى الله عليه وسلم