صابونة القهوة للقضاء على السيليوليت و الخطوط البيضاء و التنحييييف

السلام عليكم و رحمه الله و بركاته

كيف حالكم يارب تكونو كلكم بخير و صحة و عافية مبسوطة

جبتلكم صابونة القهوة و يارب تفيدكم
الصابونة دى ممتازة للقضاء على السيليوليت - فى الذراعين و البطن و الارداف - و كمان الخطوط و التشققات البيضة و الوردية اللى في الارداف

مكونات الصابونة
1 ملعقة جنزبيل + 1 ملعقة قرنفل مطحون + 1 ملعقة زيت قرنفل + 3 ملاعق كبيرة بن + 1 صابونى جلسرين مبشورة + 3 ملاعق ماء ساخن




نبشر صابونة الجلسرين



نحط الجنزبيل + القرنفل + زيت القرنفل فى كسروله على نار هادية جدا



نضيف البن



نضيف الماء الساخن و نقلب



نضيف الصابون على الخليط و نقلب لحد ما الصابون يدوب



حتسير سايره زى صوص الشيكولاته كده



نصبها فى قوالب - مثلا ذي علب الزبادى الفاضى بعد ما تحط جواها فويل -





و ندخلها التلاجة لحد ما تجمد - ممكن نسيبها طول الليل -

و كدا شكلها بعد ما طلعت من التلاجة





لازم نسيبها يوم كامل برة فى الهواء علشان تنشف و ماتخرب لما تستخدم اتبهوا بس الاولاد يفتكروها بسكوت بالشيكولاته يا سلام

طريقة الاستعمال
تدلك المناطق المراد تنحيفها بالصابونة بشكل دائرى و يتم عمل مساج باليد أو بفرشاة االمساج

تلاحظ النتيجة خلال اسبوعين من الاستعمال اليومى المنتظم - و ممكن تستخدم معاها فرشة مساج



يارب الموضوع يعجبكم و تستفيدوا منه

موضوع رائع ومفيد ,,, أشكرك عالطرح المميز ..

يسلمو على مروركم بموضوعي و اتمنى لكم الفائدة من كل قلبي