كيف تعرف اعطال سيارتك 2

السلام عليكم
هذه الموضوع تكلمة للموضوع اللي فات طبعاً وهوه عباره عن القطع الاستهلاكيه

البواجي

كيف نعرف إنه تمام أو لا؟
الطريقة بكل سهوله نفصل سلك البوجي ( اذا كانت السياره فيها اسلاك ) ونشوف لو الماكينه تغيرت حركتها يعني البوجي مزبوط ولو ما تغيرت يعني البوجي خربان ...******** بس الطريقه هاذي ما تقدر تحدد
البوجي الا اذا كان مندمر .. وفيه طريقه انك تفك البوجي نفسه وتشوف الكربون الى متكوم على رأسه
وتنضفه وتطنفره ..


الكويلات


كيف نكشف أي الكويلات خربانه (( طبعا السياره تتفتف ولا ندري أي كويل خربان ))
نروح عند كل كويل ونفصل سلك الكهرباء عنه ونشوف الماكينة تغيرت أو لا
اذا فصلت السلك وزادت التفتفه في المكينه معناتها الكويل هذ1 مضبوط ..... واذا العكس معناتها هذ1 الكويل خربان

طيب ... واذا بغيت تشوف قوة الكويل ؟؟؟؟؟؟ هل يعطي الكهرب اللازم ؟؟؟؟

الطريقه انك تفك المسمار حق الكويل (( طبعا والكهرباء مشبوكه )) وتطلع نص الكويل ... راح تسمع صوت طق طق طق ... الصوت هذ1 (( الشراره )) حقت الكويل .... اذا كان الصوت قوي اعرف ان الكويل ممتاز .. والعكس صحيح


سير الماكينه
هذا السير الماكينه يختلف من سياره لاخرى ومن موديل لموديل ومن سنه لاخرى
طبعا السير هوا عباره عن حزام مطاط قوي وبداخه اسلاك معدنيه لزياده قوته
كيف تعرف السير خربان ولا لاء
بعض الاحيان تلاقي خارج منه زي الخيطان الصغيره وبهذه الطريقه يكون السير بينبهك انه بدأ يخرب
او نك تمسك السير وتشوف هل فيه تشقق يعني يكون ناشف وان كان ناشف ضروري التبديل ان كان ناشف يظهر صوت خفيف
بعض السيارات يكون لها سير واحد وشداد وبعدها يكون سيرين وبعضها ثلاثه وبعضها اربعه مثل السيارات القديمه


سير التيمن
وهوا من اخطر السيور ولازم يتبدل كل 100 الف او 130 الف كيلو للأمان
لانه في اي وقت ينقطع عليك وما تقدر تمشي في السياره المكينه حتوقف
وفي منه نوعين سير تيمن ويكون سير زي اللي شرحناه اول من مطاط قوي
او انه يكون من جنزير والافضل والاقوى الجنزير طبعا كل واحد على حسب السياره
كيف تعرف انه خرب ان كان سير مطاط تقدر تكشف عليه بنفسك نفس الطريقه اللي زكرناها سابقا
وان كان جنزير تلاقيه بدأ يطلع لك صوت طقطقه
غالبا يكون مفطى جوا المكينه لاكن تقدر فك مسمارين لسته مسامير عشان يبان عليك وتفحصه بنفسك
وان انقطع معاك انتبه لا تحاول بتشغل المكينه اكثر من مره لانه ممكن يسبب انعواج في العامود ويحتاج له خرط وتكون بحاجه تصير بحاجه ثانيه




طرمبة البنزين

نشوف (الخرطوش) إللي طالع من الطرنبه ونفصله ونسكر الفتحة بالإصبع و نفتح السويتش ونشوف قوة الدفع إذا كان قوية مرة يعني مزبوطه وإذا كان الدفع خفيف جدا أو ما تطلع بنزين يعني خربانه

ملاحظه/ شوف (الخرطوش) قبل الصفاية


صفاية البنزين

نفس الشي في الطرمبة



الدينمو (( مولد الكهرب ))


أولا نشغل السيارة ونفصل سلك الموجب من البطارية إذا طفت السيارة يعني الدينمو ما يشحن
والعكس صحيح

وكيف تعرف ان الدينمو يخزن كهربا ؟؟؟؟؟
اول شي
شغل اللمبات جميعها الداخليه والخارجية والمسجل ووو
ثمين شغل السياره .. اذا اشتغلت معناها ان الدينمو 100 %


الحساسات

جميع الحساسات او بالاصح اغلبها .. اذا كنت شاك في حساس معين انه خربان
افصل الكهرباء عنه ... شوف يحصل شي بالمكينه ولالا ... اذا ما حصل شي معناتها ان الحساس خربان

والعكس صحيح


المساعدات

شوف المساعد اذا كان خارج منه زيت كثير معناتها انه تعبان ... وهز السياره مرتين او ثلاث
اذا كان يهتز على طول معناتها ان المساعد خرباان ...


المراوح العاديه

بالنسبه للسيارات القديمه الى فيها مروحه عاديه خلفها طرمبة الماء
كيف تعرف انها تمام ...
والسياره طافيه .. حرك المروحه .. اذا حركتها وشكلها خفيفه اعرف ان كلتش ( تماتيك ) المروحه خربان
بالتالي حراره زايده

سيتم وضع درس عن طريقة عمل كلتش او تماتيك المروحه في المكاين القديمه او في الاصح السيارات اللي يجي فيها مروحه مكينه تكون المرحه مثبته على طرمبة الماء ويكون موصول لها سير وتلف مع لفه المكينه
سيتم شرحه في التفصيل لجهل الكثير عن طريقة عمله ولسعره المرتفع يصل من 350 إلأى 1800 ريال


غطاء الرديتر

فيه طريقة تفحص فيها الغطاء

شوف فيه خرطوش صغير موصل من عند الغطاء إلى قربة الماء إفصله من عند القربه وحطه في كاس مويه ولازم الكاس يكون فيه مويه وشغل السيارة
وشوف المويه لازم تنشفط وبعد فترة لازم ترجع المويه وتزيد أحيانا
إذا شفت المويه تطلع من (الخرطوش) بصورة مستمرة يعني الغطاء خربان وإذا ما تطلع المويه بعد فترة طويلة يعني الغطاء خربان
(لازم الغطاء يطلع ويشفط مويه إذا لا يعني خربان)



حساس الاكسجين (( في السيارات الحديثه ))

وظيفه حساس الاوكسجين هي قياس نسبه الاكسجين في العادم

والذي على اساسه يحدد الكمبيوتر نسبه ضخ البنزين في البخاخات

للحصول اقل استهلاك للوقود ولاكن في حال خراب الحساس

يمكن ان يعطي قرائه خطأ ويترتب عليها زياده في استهلاك

الوقود او ضعف في عزم السياره .

مشاكل كبيره مثل دخان اسود و ضعف في العزم


هذا الحساس لحساب كميه الوقود الموجود و المحقون و هو اساساً يحب الاكسجين عشان يعرف نسبه الخليط

و اذا شلته له مظره كبيره و هو موجود في كل السيارات في العالم الي تحمل نظام ال efi

ويكون بمنطقة قريبة جدا من الاكزوز وبعض السيارات يكون في نفس الاكزوز



بلوف الماء (او بلف الحراره)

بلوف الماء انا في نضري اهم من زيت المكينه

اغلب الناس ما يدري عنها ابد ....... كذا واحد اعرفه خبطت سيارته ولا يدري وش مشكلتها

واشيك عليها انا بنفسي واحصل ان البلف قاااافل والسبب ؟ الوسخ الى يتراكم بالاديتر والمواصير

يسكر بلف المويه وبالتالي تنحبس المويه وثم ترتفع الحراره وعلى طول تخلط المكينه ....

والبلف لازم يتغير ومن ثم تنضف السلندر بين كل فتره وفتره على الاقل بين كل سنه وسنه

ويكون مكانه في كوع اللي الراجع من المكينه للرديتر





في حال عدم عمل المحرك بشكل طبيعي مع وجود تقطيع في السرعات المختلفة، يكون عائدا للأسباب التالية:

1- وجود خلل في نظام الوقود، أو أن فلتر البنزين قديم.

2- ضغط الوقود منخفض.

3- فتحات شمعات الاحتراق غير معيرة.

4-وجود خلل في الدائرة الكهربائية.

5- وجود تهريب من أسلاك شمعات الاحتراق.

6- وجود عطل في نظام Emission الخاص بتقليل نسبة التلوث الصادرة من المحرك.

7- انخفاض ضغط "البساتم" أثناء شوط العمل.

8- ضعف نظام الاشتعال بشكل عام أو وجود خلل به.

في حال كان المحرك يقطع فقط عند الضغط على دواسة البنزين فأسبابه التالية:

1- اتساخ شمعات الاحتراق.

2- نظام الحقن لا يعمل بشكل جيد.

3- وجود تهريب في الثلاجة.

4- اتساخ فلتر البنزين وانسداده

أما في حال وجود صوت فرقعة صادرة من المحرك، فانها تكون بسبب:

1- عدم عمل نظام الاشتعال بشكل جيد.

2- وجود تلف بنظام الحقن.


وطبعا سيتم شرح جميع هذه الحالات غي مواضيع قادمه في الصور والفيديو
وارجع اكرر اي احد تواجه مشكله يتفضل بزكرها ونلاقي لها حل

ترقبو الموضوع القادم وهو اول موضوع لانه الاغلب بشكي منه وهوو حرارة السياره
لانه الصيف قادم والجو بدأ يحتر والسيارات بدأت تخرب الله يبعدنا عن جميع الخرابات
حيكون مبين في الموضوع القادم طريقة فحص الرديتر وطريقة فحص خراطيش الماء والطرمبة وتوضيح كيف طريقة عمل دائرة التبريد في السياره